上届港姐冠军麦明诗，早前喺TVB旅游节目中狂Loop母校「剑桥」、「十优生」等字眼，惹嚟唔少网民反感，直指佢晒命：「唔怪得麦明诗冇朋友啦！」不过，自卸下港姐光环后，麦明诗于社交网站嘅言论愈嚟愈「亲民」。早前，新任港姐冯盈盈被爆曾于Facebook连环爆粗，麦明诗亦即时发表己见，大讲好说话为冯盈盈护航，获得一众网民讚赏。

自卸下港姐光环后，麦明诗于社交网站嘅言论愈嚟愈「亲民」。

噚日，香港天文台发出黑色暴雨警告信号，多个地区出现严重水浸，唔少艺人都受到暴雨影响。而麦明诗再次展示「亲民」一面，佢喺Instagram贴出一段涧水上车嘅短片，片中见到佢着住恤衫牛仔裤，冒住滂沱大雨踢拖踩过泥水上车。虽然场面有啲狼狈，但麦明诗由担遮到上车全程都靠自己，佢仲暗讽天文台：「个黑雨可唔可以早少少挂？」真係帮一班打工仔讲出咗心声喎！

麦明诗冒住滂沱大雨，踢拖踩过泥水到司机位上车。