舒淇同相识20年嘅冯德伦拍拖四年，去月两人终于修成正果，于捷克低调举行婚礼。有传舒淇见到老友林心如成功陀B后，亦大量减少工作，同冯德伦全力实施「造人」计划。昨日，舒淇于Instagram发出一张背住背包嘅照片，见到背包上挂住一个「孕妇襟章」，即时引嚟佢怀孕嘅揣测！

舒淇贴出一张「孕妇襟章」背包，令大家误以为佢已经怀孕。

事实上，早前舒淇已喺Instagram露出少少眉目，佢贴出一张爱猫扁嘴嘅相，仲话：「不能吃甜食、不能喝酒、不能吃禽类、不吃牛肉、不能吃海鲜，请问我出门旅游的意义在哪里？」唔通舒淇今次真係成功怀孕，所以先要戒口？正当一班粉丝非常高兴之际，先发现舒淇正同好姊妹林心如、林熙蕾喺日本旅行，而背住「孕妇襟章」背包嘅背影，其实係陀紧B嘅林心如。

舒淇同好姊妹林心如、林熙蕾一齐去日本旅行。