欣宜首个《女神有问题演唱会》喺香港九展StarHall举行，除咗爸爸郑少秋外，还有多位圈中人纷纷到场支持，包括： 仙姐、陈淑芬、许廷铿、黄伟文、萧定一等，而容祖儿（Joey）就担任首场演出嘉宾。Joey话自己多年前出席加拿大慈善演出时认识欣宜，当时睇到肥姐需要坐轮椅，而欣宜就喺上机时为肥姐安排好一切，非常有孝心。

担任首场演出嘉宾嘅容祖儿，同欣宜喺台上亲吻。

大讚欣宜嘅Joey仲话：「佢（欣宜）同我一样孝顺，而另一个同我相似嘅地方，就係我同欣宜都唔係『大众第一眼』，尤其唔会令男人吞口水，通常都係反白眼。我就係因为知道呢个事实， 所以就同自己讲， 要做到人哋听到我声音就会锺意我！」其后，欣宜因过度兴奋而激吻Joey，之后Joey就劲甜咁同欣宜讲：「期待你喺红馆开演唱会！」

欣宜因紧张、兴奋、感触，先后喊咗九次！