香港女子组合Cookies前成员吴雨霏（Kary），去年7月同圈外男友洪立熙（Brain）拉埋天窗。今年4月，另一成员杨爱瑾（Miki）亦同长跑多年嘅永安太子爷郭永淳签纸结婚。噚日，Miki于Instagram宣布「造人」成功，佢贴出一张同老公嘅搞鬼合照，并用英文发文：「小东西，你令我们变得失控！」与此同时，好姊妹Kary却传出早前不幸流产。

杨爱瑾贴出同老同嘅搞鬼合照，宣布「造人」成功。

噚日，有消息话Kary于今年2月「造人」成功，可惜陀咗个几月，BB忽然冇咗心跳。Kary不幸流产后，冇参加Miki喺泰国搞嘅婚前单身Party，只係出席佢喺香港嘅婚宴。幸好老公Brain好识安慰老婆，佢即时请咗长假陪Kary四围旅游散心。近日，Kary走出阴霾复工出席活动，亦开始录歌準备出碟。而Kary散心期间，亦一直调理身体，两公婆已準备好随时再迎接新生命。

吴雨霏走出阴霾复工出席活动，亦开始录歌準备出碟。