现年49岁嘅谢天华，凭TVB剧集《潜行狙击》中「Laughing哥」一角，成功打响知名度。佢2005年同圈外女友Tina结婚，婚后两人积极「造人」，历经四次人工受孕，去年如愿诞下儿子「天天」。近年转战内地发展嘅谢天华，日前被爆喺演出期间，背住老婆同内地网上红人「约炮」，惹嚟网民热烈讨论。

谢天华被爆背住老婆「约炮」，惹嚟网民热烈讨论。

日前，一名内地网民公开一篇以「我和Laughing哥睡了」为题嘅文章，声称自己同谢天华喺广州「约炮」，并大讚谢天华人好、吻技一流，言语十分露骨。网民又指趁谢天华沖凉时，偷影咗佢嘅手錶同卡片。消息传出后，谢天华即时喺微博澄清传闻，佢嬲爆话：「一张照片、一堆文字，想一夜成名做网红，不如真真正正脚踏实地去干活吧！」

谢天华同老婆多次人工受孕，去年如愿诞下儿子「天天」。