台湾天王周杰伦（周董）老婆昆凌，去年7月诞下女儿Hathaway后，今年年初积极复出，最近忙于拍摄新戏进军荷里活。日前，有台湾媒体大爆昆凌係「双面甜心」，话佢喺拍摄之前一定要敷面膜，仲要工作人员服侍餵食，除咗只对资深摄影师笑脸相迎，仲专登同小朋友玩延误工作。对此，护妻心切嘅周董，即时喺微博发文力撑昆凌，获唔少粉丝大讚Man爆。

周杰伦喺微博发文支持昆凌，获唔少粉丝大讚Man爆。

对于被爆係「双面甜心」，昆凌经理人即时出面澄清，佢话拍广告期间根本冇时间敷面膜，工作团队都大讚昆凌有礼貌、配合度高。对于有传昆凌喺拍摄现场同小朋友玩延误拍摄，经理人话根本係无稽之谈，佢话：「休息室并没有外人，不知道这个消息哪里来的？」见到昆凌畀人抹黑，周董即时于微博发文护妻，佢话：「真是替爆料人捏把冷汗，这种乱掰算是小儿科等级，你乾脆说她是假面骑士好了，比较耸动」。

周杰伦同昆凌婚后仍十分恩爱，两人不时放闪。