去年7月，内地歌手张靓颖喺长沙演唱会上，向拍拖13年嘅男友兼经理人冯轲逼婚成功。早前，有传两人将于意大利举行婚礼。怎料，张靓颖妈妈突然杀出反对婚事，仲闹爆未来女婿唔係好人。点知几日后，张靓颖喺32岁生日会上，同冯轲及妈妈开心同台影相，「一家三口」突然转呔嚟个世纪大和解，令围观嘅网民都睇到「O晒嘴」。

成功劝掂妈妈后，张靓颖同冯轲嘅婚事将如期举行。

张靓颖成功劝掂妈妈后，同未婚夫冯轲嘅婚事将如期举行。噚日，冯轲于微博贴出一辑同张靓颖影嘅婚纱相，相中一对新人除咗着住传统婚纱礼服依偎合照，亦有好「玩嘢」咁坐喺麻雀枱打牌，同埋喺火锅店食串烧呢类好有特式嘅婚纱相。冯轲更发文话：「就这样陪着你砌长城，吃串串儿，一直到老。」

冯轲贴出一辑同张靓颖打边炉食串烧嘅婚纱相。