昨日，方力申（小方）以大使身份出席护眼活动。谈及平时的护眼之道，小方表示：「食嘢唔可以太鹹，睇都唔可以太鹹，所以唔好成日睇电脑同睇电话。」谈到旧爱邓丽欣（Stephy）早前表明想和小方做回朋友，小方表示有留意报道：「我不嬲都冇话唔係朋友，只係冇见冇联络啫！君子之交淡如水，代表好多嘢都在心中。」

问小方会否主动搵Stephy？他说：「留返私底下四四六六拆掂佢，唔使摆喺枱上面讲，无谓到而家仲纠缠于搵唔搵、Friend唔Friend、点联络？我哋自己会处理。总言之，我哋由始至终都冇话唔係朋友。」小方自爆私底下其实好关心Stephy：「会睇有关佢嘅新闻，我都有喺公司八佢做紧啲咩、拍紧啲咩。」

方力申希望和邓丽欣的关係私下解决，不想再摆上枱讲。

方力申表示与邓丽欣仍保持朋友关係，私下好关心对方动向。