获奖无数嘅52岁影后张曼玉（Maggie），近年淡出影坛转型做歌手。Maggie 于2014年出战内地草莓音乐节，以一首摇滚版〈甜蜜蜜〉成为热话，但佢低沉嘅「鹅公喉」加上严重走音，被网民评为「上帝放弃的声音」。虽然歌艺遭受批评，但Maggie却愈挫愈勇，继去年为电影《恋爱中的城市》献唱主题曲〈如果没了你〉后，今次佢继续出击，将于本周五（11日）推出首只单曲〈Look In My Eyes〉。

张曼玉将于光棍节推出首只单曲〈Look In My Eyes〉。

噚日，Maggie新歌〈Look In My Eyes〉嘅MV预告率先曝光。喺片中，Maggie戴住面具以金色Bra Top现身，仲着上黑丝大骚长腿，佢手捧白色巨蛇，仲畀条蛇喺身体游走、缠绕颈部，配上迷幻嘅音乐同Maggie招牌「鹅公喉」，效果神秘又性感。除咗献唱歌曲，Maggie更一手包办作词、作曲同编曲，就连MV预告都係Maggie自编、自导、自演，真係相当用心。

张曼玉戴住面具以金色Bra Top现身，神秘又迷幻。