近日，香港富商刘銮雄（大刘）喺多份报章头版刊登声明，高调同女友吕丽君断绝关係，更公开大骂对方贪得无厌，惹嚟全城关注。对此，吕丽君先发表声明以「老公」称呼大刘，强调一家和睦。随后，佢再透过「吕丽君基金会」发声，大讚大刘係爱护仔女嘅好爸爸。对于有关资产分配及争产等传闻，吕丽君呼吁外界唔好过多揣测，仲话希望大刘早日康复。

吕丽君连日嚟同刘銮雄隔空对招，成为全城热话。

吕丽君喺大刘高调宣布同佢划清界线后，已两度发出声明回应。噚日，吕丽君再度出招，佢透过律师发表声明，今次声明中用「刘先生」称呼大刘，明显关係生疏咗。吕丽君话唔希望一对仔女成为传媒谈论嘅对象，亦唔会向大刘及相关人士提出法律诉讼，佢话：「只要与刘先生继续保持和睦的关係，就如同普天下所有父母期望的那样，把最好的一切留给子女，就足够了。」

吕丽君发表声明话唔会向大刘提出法律诉讼。