港姐出身嘅30岁女星王君馨，凭TVB剧集《城寨英雄》中「花曼」一角成功上位。噚日，王君馨被爆于本月16日，同长跑11年嘅圈外男友Daniel秘密入纸结婚。消息传出后，王君馨接受访问时承认婚讯，佢话：「收到好多朋友嘅祝福，多谢大家。我而家準备去返工，今日要拍十几场戏，祝福我。」而远在加拿大嘅锺嘉欣，亦第一时间为好姊妹送上祝福：「为她感到非常开心。」

王君馨于本月16日同拍拖11年嘅男友秘密入纸结婚。

王君馨同男友Daniel曾于2013年一齐去台湾旅行，当时有传两人预支蜜月。但王君馨话同男友都係基督徒，去旅行係分房，坚持唔会发生婚前性行为。早前，王君馨自爆Daniel求婚成功，佢话唔想结咗婚都继续分隔两地咁辛苦，所以希望男友喺香港发展。Daniel为咗娶得美人归，不惜牺牲事业将基地搬去香港，如今两人终于拉埋天窗，真係恭喜晒！

得知王君馨嘅婚讯后，锺嘉欣第一时间为好姊妹送上祝福。