喺TVB台庆剧《幕后玩家》中有精彩演出嘅龚嘉欣，得知老公黄宗泽（Bosco）出轨后，爆喊嘅戏分获观众一致激讚。对此，龚嘉欣话嚟紧剧中会畀Bosco逼到癫，佢话：「嚟紧我会更加惨，其中有一场戏仲喊到歇斯底里收唔到声，拍完返屋企个心都好唔舒服，好耐未试过有呢种感觉，希望观众都可以感受到，真係好多谢大家咁支持。」

龚嘉欣爆喊嘅戏分获观众讚好，一致睇好佢攞奖。

备受网民追捧嘅《幕后玩家》，唔单止感情关係出现混乱，唔少角色亦逐渐变奸，展现人性贪婪嘅一面。Bosco瞒住老婆龚嘉欣搭上刘佩玥，嚟紧佢会同小三刘佩玥摊牌，飞甩对方。为咗入大公司，Bosco转头走去撬老友萧正楠墙脚，狂追黄翠如，「双黄」更会连成一线食咗间公司。黄翠如愈变愈衰，佢利用完萧正楠后，转而同Bosco喺埋一齐，多角关係十分複杂。

黄宗泽嚟紧会硬撬老友萧正楠墙脚，为咗利益奸到尽。