梁朝伟（伟仔）、陈奕迅及台湾演员张榕容现身香港红磡码头，出席新戏《摆渡人》发布会。伟仔话因《摆渡人》拍迟咗几个月，令之后嘅工作都延后，嚟紧会变得好忙。讲到刘嘉玲即将迎来51岁生日，伟仔话当日唔可以同老婆庆祝，佢解释：「今次专登宣传新戏，之后返上海拍《欧洲攻略》，嘉玲都开工，大家冇时间见面，都赶唔切买礼物，后补喇，冇乜所谓。」

梁朝伟因《摆渡人》拍迟咗几个月，令之后嘅工作都延后。

日前，张学友喺香港红馆举行嘅演唱会正式开锣，问伟仔会唔会现身支持？佢话：「之前喺北京睇咗喇，所以今次就唔会睇，真係冇时间。」去年，刘嘉玲同关之琳前夫陈泰铭行山，搞到好姊妹关係决裂，早前两人出席好友婚宴同场过招，问伟仔有冇吓亲？佢话：「我都係睇新闻先知，冇乜嘢可以吓亲我。」问刘嘉玲仲有冇唔开心，伟仔话：「我唔知喎！呢啲我都冇乜好讲，嘉玲亦冇同我讲。」

梁朝伟忙住拍新戏，冇时间同刘嘉玲庆祝生日。