早前， 香港富商刘銮雄（大刘）高调同吕丽君断绝关係后，火速同另一女友陈凯韵（甘比）入纸排期结婚。日前，大刘同甘比喺律师见证下签纸成为合法夫妻。正式「升呢」做刘太后，甘比罕有接受媒体访问，佢话同大刘一早已有结婚计划：「几年前已谂住结婚，所以冇特别大感受，生活一切如常。成为刘太好开心，亦好珍惜将来和刘生嘅每分每秒，希望一家人开开心心。」

刘銮雄同甘比喺律师见证下，正式签纸成为合法夫妻。

问到两人会唔会补办婚礼同亲友一齐分享喜悦？甘比话暂时冇呢个打算：「一切等刘生养好个身体再讲，其实要多谢我哋嘅一班朋友， 佢哋好似比我哋重开心， 有啲好友听到呢个好消息重开心到喊。」问到大刘咁多年嚟做过令她感动嘅事，甘比话：「刘生本嚟就係一个感情丰富同细心嘅人，有时好多细微嘅事都会令人感动，好难特别举例子。」

正式「升呢」做刘太后，甘比罕有接受媒体访问。