现年33岁嘅「栏王」刘翔，喺2014年同内地演员葛天结婚，但两人婚姻仅维持九个月即玩完。同葛天离婚后，刘翔火速同撑杆跳高运动员吴莎复合，两人不时于微博晒恩爱放闪，更多次传出婚讯。今年9月，刘翔喺内地综艺节目中承认同吴莎已经领证结婚。日前，有网民大爆刘翔同吴莎婚喺斐济举行婚礼，仅邀请少数亲友出席。

刘翔同吴莎自复合以嚟，一直爱得高调。

噚日，有网民曝光一辑刘翔同吴莎喺斐济嘅婚照，相中两人喺海滩交换戒指，深情相拥，除咗穿上当地服饰，好动嘅吴莎仲着住婚纱同刘翔一齐甜蜜踩单车。消息传出后，有内地媒体致电刘翔教练孙海平确认，对方回应：「没有听说他们结婚。」而吴莎教练王万培就话刘翔同吴莎唔係结婚，只係去影婚纱相。随后，刘翔工作室亦出面澄清：「辟谣，是拍结婚照！」

刘翔同吴莎婚喺斐济拍婚照，被误以为举行婚礼。