现年49岁嘅苏永康喺2014年同冯翠珊结婚，婚后两人一直努力「造人」。噚日，苏永康宣布老婆怀孕五个月，预产期係明年4月。问到係自然授孕定人工授孕？苏永康话意外老来得子，佢话：「试咗两年都冇，老婆都40几岁，之前结完婚特登唔做嘢，但放成年假都试唔到，无喇喇上天跌畀我，本来谂住潇洒啲冇就算，而家仔女都杀，呢样要好好学习。」

苏永康同冯翠珊结婚两年几，如今终于「造人」成功。

苏永康透露老婆同好友谢安琪差唔多日子怀孕，佢话：「有日收到张继聪报喜，佢话我搞掂喇！三个月。我话我老婆都有咗，你个女，我个仔，不如我哋玩指腹为婚。」苏永康话而家最紧张嘅係妈妈：「我妈妈80岁，而家好似后生20年，每朝问我老婆想食乜，煲畀佢食，但老婆身体好好，唔需要特别煲嘢，而家煲多啲汤水畀佢，我哋分开食饭，因为我长期减肥，妈妈叫工人买餸整畀佢食。」

苏永康话老婆同谢安琪（右）差唔多日子怀孕。