日前,《时代杂誌》（TIME）选出今年荷里活十大烂片，当中不乏揼本之作。奥斯卡「金像奖」影后珍妮花罗伦斯（Jennifer Lawrence）主演嘅《变种特攻：天启灭世战》被选为今年烂片王，该片质素被指远不及同系列旧作，遭狠批浪费唔少天才演员。排第二嘅係英国谐星沙格毕朗高汉（Sacha Baron Cohen）自编自演嘅《Brothers Grimsby》；《Party冇限耆》同《非常索凸务2》就分别排喺第三同第四位。

《变种特攻：天启灭世战》成为今年烂片王。

去年年初喺澳门取景，台湾天王周杰伦有份客串嘅《非常盗2》，被选为烂片第五位。DC超级英雄大片《蝙蝠侠对超人：正义曙光》、大导演活地阿伦（Woody Allen）执导嘅《情迷声色时光》分别排喺第六同第七位。至于大受影迷喜爱嘅《自杀特攻：超能暴队》，同埋Angelababy有份演出嘅《天煞地球反击战：复甦纪元》亦榜上有名。

周杰伦有份客串嘅《非常盗2》被选烂片之作。