早前，歌手吴业坤接受网络红人健吾访问，讲到点解今年咁多haters，健吾就爆吴业坤曾经讲过：「如果我听日死咗嘅话，个市会唔会好似对待陈僖仪咁对待我？」结果引嚟网民嘅围插，直指佢拎死人去宣传。噚日，吴业坤出席公开活动被问到呢件事，佢就话：「我100%肯定我冇讲过啲咁嘅嘢，冇提到人名，因为我自己拍片都会避忌啲，但係如果令大家唔开心，我会向大家讲声对唔住。」

歌手吴业坤否认消费陈僖仪一事。

问到吴业坤到底喺节目入面讲过啲乜？佢就话：「我同健吾私下有倾偈，佢都话我好灰，但我唔想製造话题，个live都係得百几人睇，如果想製造话题，我会喺网上打啲嘢，可能倾偈嘅时候，有啲自己谂法加咗入去。」此外，吴业坤仲话：「大家係睇到张图就去谂呢个人，定係了解咗先会去谂呢个人，或者大家睇完晒之后，冇原因憎我都可以。」问到会唔会同陈僖仪家人道歉？吴业坤觉得唔应该特登做呢件事：「但如果佢哋有唔开心，我会亲自向佢哋道歉。」

问到吴业坤会唔会主动向陈僖仪家人道歉，佢话唔会刻意咁做。