近日，饰演《星球大战》重要角色「莉亚公主」嘅荷里活女星嘉莉费莎（Carrie Fisher）过身，终年60岁。身为超级星战迷嘅古天乐得知消息后，就话感到非常可惜。古天乐表示：「喺最新嗰集星战外传，最后个镜头有莉亚公主出嚟，我仲好期待喺下一集会见到佢演出。谂唔到收到佢死讯，真係好突然，佢喺星战入面都係一位重要人物，咁样离开，係好可惜，希望佢一路好走。」

身为超级星战迷嘅古天乐，对于嘉莉费莎逝世感到可惜。

至于有份参演《星际大战外传：侠盗一号》嘅甄子丹，亦同样对嘉莉费莎嘅逝世感到婉惜，佢话：「真係觉得好可惜，其实今次《星际大战外传：侠盗一号》个故事直接都同佢有关係，第一次睇《星战》时，我得14岁，佢建立咗一个咁经典嘅人物，佢又喺《星际大战外传：侠盗一号》再出现，但突然又离开世上，真係好可惜，係所有《星战》迷嘅重大损失。」

在《星球大战》中饰演「莉亚公主」嘅嘉莉费莎过身，终年60岁。