现年54岁嘅关之琳，去年高调同台湾富商陈泰铭离婚后，除咗专注搞睡衣品牌，仲好活跃社交圈嘅活动。噚日，有报道话关之琳喺好友锺镇涛撮合下，搭上细24岁嘅韩国男团Super Junior-M中国籍成员周觅，发展「姊弟恋」。两人除咗齐齐坐游艇出海玩，周觅仲为关之琳嘅睡衣品牌撑场。今年9月，关之琳生日时，周觅仲专登飞去香港为对方庆祝，可见两人关係亲密。

关之琳被爆喺锺镇涛撮合下，搭上「小鲜肉」周觅。

虽然周觅喺Instagram上称关之琳为「索姐姐」，但可以讲出咁本土嘅「索」字，相信关之琳都有教周觅讲返几句广东话，周觅亦学以致用，非常识凼对方开心。不过，关之琳接受访问时，强调同周觅冇可能：「梗係唔係啦，唔好吓亲佢，我就唔惊，吓亲小朋友唔好。」关之琳话对于感情事唔会强求，佢话：「细过我嘅朋友大把，个个都係姊弟恋，我咪好唔得闲，对感情事唔心急，因为冇得急。」

周觅（右）专登飞去香港参加关之琳生日派对。