谢霆锋爸爸谢贤经历两段婚姻后，同细49岁嘅女友Coco拍拖11年，两人一直表现恩爱。噚日，内地网站突然疯传Coco怀孕，指谢贤将以80岁嘅高龄再度做老窦，引嚟大批网民热烈讨论。有人搞笑大讚谢贤老当益壮：「80岁还可以让女友怀孕，实在厉害，孙子都比儿子大。」但亦有网民替谢霆锋担忧：「要叫比自己小的CoCo做妈妈，会不会有点尴尬。」

听到被传再做老窦后，谢贤即时扯火大骂。

事实上，谢贤去年接受TVB节目专访时，曾自爆喺女儿谢婷婷六岁时，已做咗结扎手术。难怪听到被传再做老窦后，佢即时扯火大骂：「Short .？讲呢啲咁嘅嘢，咁都有得写，有冇搞错，梗係冇啲咁嘅事喇！」虽然谢贤否认女友怀孕，但佢曾公开大谈自己嘅养生之道，得闲除咗爬山健身之外，仲锺意食天然食材进补，难怪可以宝刀未老。

谢贤同细49岁嘅Coco拍拖11年，两人一直表现恩爱。