现年45岁嘅朱茵，喺2012年宣布怀孕，随后同黄贯中结婚专心凑女。已经多年冇喺大银幕演出嘅朱茵，近日正式复出拍摄惊慄电影《古宅》，虽然朱茵已经45岁，但睇落一啲都唔似，佢喺戏中更要由20岁演到60岁，的确係一个大挑战。事实上，朱茵从影以来好少拍惊慄片，问到点解今次复出选择《古宅》？佢就解释係因为剧本太好，所以先接拍。

朱茵话因为《古宅》剧本太好，所以先接拍。

问到朱茵点解会接拍《古宅》作为复出第一击，佢就话：「今次的剧本好完整，好特别，人物角色吸引。到我第一次踏入古宅，和开会讲的一模一样，陈设气氛灯光已令我不寒而慄。」朱茵仲话拍摄现场嘅陈设太恐怖，唔敢单独留喺房，一定要有人陪伴，朱茵话呢个就係佢多年来唔拍惊慄片嘅原因。此外，今次有一名五岁小朋友做佢个仔，朱茵话：「佢好有童真，可以令我化惊为笑。」

今次有一名五岁小朋友做朱茵个仔，令佢可以化惊为笑。