由荷里活影星麦迪文（Matt Damon）、刘德华（华仔）主演，内地大导演张艺谋执导的新戏《长城》，将于本月29日在澳门正式上映。日前，华仔与张艺谋一齐出席电影首映礼。华仔以一身唐装出场，即惹来大班粉丝不停尖叫。谈到和麦迪文首度合作，华仔坦言比想像中更熟落，他笑言希望两人再老友一些。

谈到和麦迪文首度合作，刘德华坦言两人比想像中更熟落。

华仔和张艺谋继2004年的《十面埋伏》后，相隔12年再度合作，张艺谋大讚华仔多年来依然保持年轻，封他为「长春藤」。谈及拍摄期间遇到的困难，华仔笑言是说英文对白，他说：「唔係唔识讲英文，係戏入面要讲古时嘅英文，发音同而家唔同，我讲错咗麦迪文会纠正我。佢喺现场有教我英文，我就讲中国历史畀佢听。」

刘德华坦言新戏最难是要讲古代英文对白。

同麦迪文交换经验

问华仔平时和麦迪文在片场会交流些甚么，他表示：「我哋有讨论《无间道》同《无间道风云》呢两部电影，麦迪文係写剧本出身嘅，我同佢都有自己嘅製作公司，我们有交换经验，亦讲咗好多生活中嘅趣事，喺拍摄过程佢畀咗好多有用嘅意见。」问到两人是否十分老友？华仔说：「而家唔算老友，都想再Friend啲。」

进军荷里活睇缘分

华仔坦言张艺谋花了很多心机拍摄，他说：「魔兽『饕餮』嘅英文介绍就有三页纸，呢场戏足足拍咗四日。」问到会不会趁这次机会进军荷里活？华仔说：「有人邀请剧本又啱嘅话，一定拍。」提及片中的魔兽「饕餮」造型，张艺谋表示花了很多时间打造：「构思了800个造型，花了八个月时间完成，华仔的角色就是研究怎样打这只怪兽。」

张艺谋和刘德华相隔12年再度合作，两人现场互笠高帽。