日前，周星驰同徐克联手打造嘅新戏《西游．伏妖篇》进行广东话版配音。为咗重现22年前《西游记》嘅经典场面，周星驰力邀「师父」罗家英出山，为电影配音。今次罗家英由唐僧「升呢」声演唐僧嘅师父「老唐僧」，佢话：「时间过得好快，转眼过咗22年，今次周星驰做监製，我做配音，非常合适，佢唔演我都唔演，我哋都升上做幕后。」

周星驰邀请罗家英出山为新戏配音。

喺罗家英配音期间，周星驰专门由控制室行入配音室亲自监工，两人喺现场一唱一和，默契十足。问到罗家英今次声演表现如何？周星驰话现场太多人，唔係咁方面讲。对此，罗家英笑言：「即管讲喇，就係要人多先讲，人多面前讚我比私底下讚仲好。」周星驰话唔想对方太骄傲，罗家英听闻再搞鬼回应：「我都认同，我性格比较低调，唔可以太威。」

周星驰同罗家英喺现场一唱一和，默契十足。