陈奕迅（Eason）凭歌曲〈四季〉喺「叱咤乐坛颁奖典礼」夺得至尊歌曲大奖。当晚Eason突然空降颁奖礼，为观众带嚟惊喜。不过，喺献唱得奖歌曲时，Eason却罕有两度失準忘词，令场面有啲尴尬。日前，Eason接受电台访问，佢多谢粉丝一直以嚟对自己嘅支持，并为当晚两度甩嘴解画：「本来首歌唔係我嘅，我三年前录咗之后未唱过，所以今次係炒粉，唔係甩咗少少。」

陈奕迅献唱得奖歌曲时，罕有两度失準忘词，令场面有啲尴尬。

Eason话当日落机就赶去颁奖礼，所以浑浑噩噩，佢话：「如果想听完整版本可以听碟，如果想睇Drama就睇颁奖礼嘅表演。」Eason透露嚟紧会筹备新歌，但唔一定係广东歌：「做音乐未必係要咩语言，而係有咩想讲，今次好有机会係国语碟，因为同广东碟梅花间竹咁出。」问佢有冇计划再度开唱？Eason话：「会暂停，呢几年不断做啲几万人嘅场，忽然想做下细场，甚至想去学校唱。」

陈奕迅突然空降颁奖礼现场，为观众带嚟惊喜。