陈冠希旧爱黄榕噚日喺网上话自己收到一名叫「经理人」嘅饭局邀请，话想请佢返大陆同「超级富二代」食饭兼过夜，仲话价格高达300万人仔。事实上，黄榕近年成功打入大陆巿场，频频获夜场邀请出Show，所以都有一定人气。佢话今次呢个「经理人」喺微信搵佢，一嚟就话：「内地饭局工作，过夜全包30万，客户在广州，超级富二代。」黄榕就强调唔接「呢类工作」，但对方不断加价，仲叫到300万?！出手认真阔绰。

黄榕话收到饭局邀请，仲话价格高达300万人仔。

其后，黄榕接受香港传媒访问时就表示：「噚晚我喺内地登完台，半夜三更，有人加我话可以介绍我做job，但就係咁问我嘢，嗰时已经凌晨4点，所以搞到我好嬲。」黄榕仲话：「成件事好骚扰，我锺意靓仔多过钱，几多钱都唔做，我觉得自己係无价，所以已经block咗嗰个人。」对于被问到係咪形象问题，所以先被问价？黄榕就解释：「而家都贴少咗练习钢管舞嘅片，会贴多啲运动相。」

黄榕话会贴多啲运动相，令形象健康啲。