现年67岁嘅美国女演员梅丽史翠普（Meryl Streep）获颁「金球奖」终身成就奖，佢痛批当选美国总统特朗普（Donald Trump）嘅得奖感言，获得一众网民疯传。相反，英国男星汤赫度斯顿（Tom Hiddleston）嘅得奖感言却遭网民炮轰。汤赫度斯顿凭英剧《夜班经理》获封迷你剧视帝，当上台领奖时，佢讲到早前去非洲苏丹南部做义工嘅事：「当地做义工嘅无国界医生，在轰炸和躲避中，一次将整套剧看完了，能够为他们提供娱乐非常荣幸。」

梅丽史翠普获颁终身成就奖，佢领奖时痛批当选美国总统嘅特朗普。

汤赫度斯顿嘅得奖感言遭网民疯狂炮击。

网民睇咗汤赫度斯顿嘅得奖感言后，纷纷炮轰佢「自我陶醉」，以及展现「白人优越感」。有人认为汤赫度斯顿係为咗展现佢套剧受欢迎，而唔係真心感激喺当地从事人道工作嘅义工。事后，汤赫度斯顿喺Facebook发文公开道歉，佢话：「在颁奖礼上的言论表达得不够恰当，我当时非常紧张，所以有点词不达意。我真心是想向那些从事人道工作的义工致敬，很抱歉被紧张感主导了我的表现。」