人气英剧《新福尔摩斯》第四季噚日终于首播，新故事讲到男主角班尼狄甘巴贝治扮演嘅福尔摩斯，因为宿敌Moriarty回归，所以获豁免杀人罪，重回伦敦查案，以防发生恐怖袭击。福尔摩斯嘅好拍档华生就升呢做爸爸，而福尔摩斯更帮华生凑BB，爆出唔少笑料。其后，华生老婆Mary为咗帮福尔摩斯挡子弹中枪身亡，搞到华生同福尔摩斯决裂。

福尔摩斯似乎被逼入绝路，精神频临崩溃。

至于《新福尔摩斯》第四季出现嘅新奸角，就係由Toby Jones扮演嘅Culverton Smith。而福尔摩斯就经常以残到爆嘅样示人，似乎被奸角逼得好紧。喺第二集预告片中，福尔摩斯就好激动咁讲：「佢係我见过之中最危险、最卑鄙嘅人，一定要了结呢个怪物。」至于喺片尾就见到Culverton Smith嘅恐怖笑容，似乎佢比Moriarty更难对付。

Culverton Smith呢个恐怖笑容，绝对令人心寒。