罗仲谦同杨怡去年10月摆酒结婚后，两人都未度蜜月就各有各忙，先係杨怡飞去上海演出舞台剧《我和春天有个约会》。其后，罗仲谦亦去到内地开拍网剧《无间道》，佢喺剧中饰演刘德华嘅黑警角色，所有动作场面包括枪战、劈友，全部都要亲身上阵。除咗唔用替身打到飞起，罗仲谦更同有「男神收割机」之称嘅内地女星朱锐，有大量爱情动作场面。

罗仲谦同杨怡摆酒结婚后，未度蜜月就各有各忙。

罗仲谦拍剧全力以赴博到尽，但有指佢同朱锐嘅连场床戏係先斩后奏，事先并未有同老婆杨怡备案。直到12月尾套剧出街，罗仲谦先焗住向杨怡坦白，但都只係轻描淡写交代因为剧情需要，以免刺激老婆嘅敏感神经。虽然大家都係演员，同对手有亲热戏在所难免，但杨怡以防老公意乱情迷，一得闲就会飞去内地探班，睇实罗仲谦拍剧。

罗仲谦同朱锐有大量爱情动作场面。