已经同丁文琪结婚嘅台湾歌手林宥嘉，日前到深圳参与音乐会，点知正好同旧爱G.E.M.同场！主办单位为免两人尴尬，就巧妙安排佢哋喺唔同时间现身。其后，林宥嘉喺微博贴出一张自己瞓喺梳化嘅相，而葛优就喺佢旁边跷埋双手，林宥嘉鬼马留言：「这次谁还能说我不标準，正宗一对一教学！谢谢葛大爷。」

林宥嘉喺微博贴出一张自己瞓喺梳化嘅相。

事实上，当年林宥嘉同G.E.M.拍拖时劲Sweet，点知分手后就即刻反目成仇，而林宥嘉曾经喺社交网数臭G.E.M.，当然女方亦有公开还击，绝对可以话係欢喜冤家。当晚，G.E.M.就特别穿上一条劲性感嘅露背长裙表演，不过G.E.M.演出时林宥嘉就正喺后台做访问，所以佢哋两个人应该无见到对方。

G.E.M.特别穿上一条劲性感嘅露背长裙表演。