早前，张敬轩（轩仔）高调宣布出战内地歌唱比赛节目《歌手》，并已参加首集节目录影。不过，近日轩仔喺微博发表一篇提及敏感话题嘅文章，触发内地网民嘅神经，令内地电视台处于两难局面，最终决定一刀切。有传轩仔录影嘅唱歌部分，连同其他歌手嘅互动全部都会被「消失」。日前， 轩仔被拍到现身中环某食品店入货，佢一脸愁容，似係受近日嘅负面新闻影响。

张敬轩因一篇涉及敏感话题嘅文章，触发内地网民嘅神经。

有传轩仔除咗被踢出《歌手》，更惨遭唱片公司英皇娱乐「暗中除名」。早前，英皇娱乐旗下一班歌手齐齐为谢霆锋主演嘅新戏《决战食神》合唱主题曲，惟独轩仔冇份。而「英皇超级巨星演唱会」最近先后喺上海、北京及广州举行，三场演出亦未见轩仔蹤影。对此，英皇娱乐高层霍汶希否认话：「冇咁嘅事，轩仔一直係英皇重点歌手，公司正为佢筹备紧演唱会同新碟。」

霍汶希话张敬轩係公司重点歌手，否认将佢「暗中除名」。