张敬轩因参加湖南卫视歌唱比赛节目《歌手2017》，搞到一身蚁。虽然佢已经讲到明自己唔支持港独，但仍然被内地网民不断攻击，搞到最后要退出比赛。日前，《歌手2017》播出之前张敬轩有份录影嘅第一集，主办单位就超有技巧咁将所有张敬轩嘅镜头都剪走晒，虽然仍然见到红色头髮嘅张敬轩好似路人甲咁，出现喺画面嘅边位，但就见唔到个样，真係阴公猪啰！

张敬轩喺《歌手2017》中嘅镜头都被剪走。

唔少有追看《歌手2017》第一集嘅网民都话，张敬轩有喺节目入面「闪现」，仲有网民留言：「看第一集最大的乐趣就是看到底怎么剪辑！一直在找张敬轩，都没心机听歌。」由于张敬轩染咗一头红髮，所以都几易认，而佢喺第一集中不时于画面嘅角落出现。喺杜丽莎出赛后返回休息室嘅期间，获众歌手拥抱祝贺，呢个时候亦见到张敬轩出现喺右下角位置，但就只有侧面。

张敬轩出现喺画面右下角位置，但只有侧面。