英国「男神」班尼狄甘巴贝治（Benedict Cumberbatch）同马田费曼（Martin Freeman）主演嘅人气英剧《新福尔摩斯》第四季已播出大结局。忙完新剧嘅宣传活动后，班尼狄甘巴贝治开始投入新戏《The Current War》嘅拍摄工作，佢喺片中饰演发明直流电力系统嘅伟大发明家爱迪生，米高沙朗（Michael Shannon）则饰演爱迪生嘅「死对头」，西屋电气始创人威斯汀豪斯。

剧组公开班尼狄甘巴贝治嘅首张剧照。

班尼狄甘巴贝治最近忙于新戏《The Current War》嘅拍摄工作，新版蜘蛛侠Tom Holland亦有现身片场，佢喺片中将饰演班尼狄甘巴贝治助手。噚日，电影公司公开首张剧照，睇到班尼狄甘巴贝治着住黑色西装尽显神秘。事实上，演技出色嘅班尼狄甘巴贝治已经唔係首度演出天才人物，佢除咗喺《解码游戏》演过数学家「图灵」，又喺《梵谷：画语人生》同《霍金》中，分别扮过「梵谷」同「霍金」。

班尼狄甘巴贝治喺《解码游戏》中饰演数学家「图灵」。