去月，刘德华（华仔）喺泰国拍摄广告时，意外堕马受伤，造成盆骨撕裂，返港后一直入住养和医院休养。经医生诊治后，华仔必须停工休养六至九个月，进行治疗及调养。而出名爱锡粉丝嘅华仔，继早前亲自喺官网「华仔天地」写亲笔信报平安后，日前佢再写亲笔信答谢一班爱佢嘅粉丝，仲话自己会坚持落去：「我会耐心而坚定的！Happy birthday to all of you！」

刘德华要停工休养六至九个月，进行调养。

日前，适逢农曆大年初七人日，华仔除咗好有心写下祝福语送给一班粉丝，仲好有创意用手机程式中嘅Emoji表情符号送祝福，有粉丝解密当中涵义，原来意思係：「祝家人生日快乐！祝家人恩恩爱爱！祝家人开开心心！多谢家人遮风挡雨！多谢家人为我加油！我情况OK，等我康复后一齐庆祝。」华仔嘅创意同心思令唔少粉丝都十分感动，期待佢早日康复同粉丝一齐庆祝。

刘德华用手机嘅Emoji表情符号送祝福，十分有创意。