日前，郭富城（城城）出席公开活动，讲到女友方媛（Moka）喺微博贴出一张疑似肚凸凸嘅相，仲话自己身体有啲「小变化」，即时惹来怀孕传闻。对此，城城澄清话：「佢自己喺微博都有解释件事，大家知发生咩事，大家关心我而敏感咗。（咁係咪怀孕？）佢自己讲咗係肠胃唔舒服，瘦咗几公斤，其实佢过咗新年后要做嘢，自己都想减肥，所以佢係开心嘅。」

郭富城澄清女友嘅「小变化」係瘦咗，唔係怀孕。

城城话自己一直以嚟都将重心放喺事业上，而家係时候谂下人生规划：「喺工作上会比较自私，而家开始要谂下自己人生计划係乜嘢，所以我会珍惜而家嘅女朋友，好好爱护同包容对方。」问城城听到女友怀孕时会唔会好开心？佢话：「我会笑啰！估唔到会咁敏感。」城城话情人节当天因工作关係，好遗憾未能同女友一齐过：「幸好而家资讯发达，我哋成日都有交流。」

方媛贴出疑似肚凸凸嘅相，即时惹来怀孕传闻。