现年33岁嘅加州男子Jeremy Meeks，喺2015年因非法藏有枪械及军火等罪名，被判入狱27个月，当时佢嘅犯人照曝光后，震撼全美国。Jeremy凭住野性外形迷倒万千女性。去年Jeremy出狱后，即刻获模特儿公司睇中，同佢签约。日前，Jeremy喺纽约时装周嘅Philipp Plein时装骚处男登场，六呎一吋高嘅佢着住黑色大褛行天桥，相当有型，成为传媒焦点。

Jeremy着住黑色大褛行天桥，成为传媒焦点。

当日坐头排观赏嘅嘉宾都係重量级，包括麦当娜（Madoona）及美国总统特朗普女儿蒂法妮（Tiffany Trump）。根据当地嘅传媒报道，蒂法妮亦有特别关注Jeremy。Jeremy已婚八年并育有三名仔女，已经改过自新，专注家庭及事业。未出狱前，Jeremy为咗迎接新生活，每日喺狱中做500下掌上压加500下仰卧操Fit自己。

Jeremy嘅犯人照曝光后，迷倒万千女性。