现年71岁嘅李家鼎（鼎爷），喺去年主持《阿爷厨房》后人气急升，大获好评。噚日，有周刊就访问鼎爷，提到有网民提议，好想睇佢同杨思琦一齐合作做第二辑《阿爷厨房》时，鼎爷就话所有事都交由公司安排。虽然鼎爷劲大方无即时Say No，但佢之后就多补一句：「我相信公司唔会咁戆居！」

有传李家鼎因拍《阿爷厨房》同谭玉瑛不和，不过佢就否认。

事实上，杨思琦正正係鼎爷仔仔李泳豪嘅前女友，两人当年就隔空喺传媒面前开火，劲有火药味。鼎爷就话：「如果话唔想同思琦合作，啲人一定会话我小器。不过，就算我肯同思琦合作，都要睇佢肯唔肯啦！如果将来录影，我一句扫过去，佢又未必落到台。我相信公司唔会咁戆居安排我哋合作嘅！」最后鼎爷强调同思琦冇仇，至于佢同仔仔嘅感情事，合则来不合则去。

李家鼎话就算佢肯合作，都要睇思琦肯唔肯。