继台湾女星林心如、舒淇先后结婚后，42岁嘅林志玲感情亦终于有着落。据台湾媒体报道，林志玲去年圣诞节被拍到同屋企人一齐聚餐，随行仲有一位神秘男士，其间两人有亲密互动。原来呢位神秘男士来头不少，佢係台湾内地工程公司董事长殷琪姪仔杨仁沛（Chris）。报道话Chris外型高大靓仔，係长居纽约嘅台裔歌手，从小热爱唱歌，常获邀参加晚宴同音乐会演出。

报道话林志玲同Chris于去年月挞着，林志玲仲带埋好友蔡康永一齐去睇Chris嘅演出。之后圣诞节，Chris又出现喺林志玲嘅家庭聚餐，更有在场人士大爆两人举止十分亲密。消息曝光后，有媒体致电蔡康永求证，佢回应：「志玲的私事，由她回答就好。」随后，林志玲透过好友承认Chris正追求自己，佢话：「有在追，但是没时间多相处。目前只是朋友，谢谢关心。」

林志玲承认获富二代男星追求当中，但两人目前仲係朋友。