现年40岁嘅舒淇，去年9月同导演冯德伦喺捷克布拉格低调结婚，获得大批网民祝福。有传婚后舒淇好想生BB，事关佢嘅好姊妹林心如同林熙蕾都先后当妈，令舒淇亦母爱泛滥。噚日，有消息话舒淇怀有三个月身孕，上周仲同老公冯德伦饭后散步。报道话舒淇肚凸凸，冯德伦就一时搭膊头、一时拖手，小心翼翼护住老婆。

舒淇同冯德伦自结婚以嚟，外界十分关注两人何时「造人」成功。

报道话舒淇近来都好小心，连头髮髮色都唔敢染，更推咗新戏《健忘村》嘅密集式宣传活动，外出亦改着鬆身衫同平底鞋。对此，有媒体致电冯德伦确认，佢话：「唔係，唔係事实，多谢大家关心。」随后，舒淇经理人否认传闻：「都係流料，多谢关心。而家天气冻，件衫厚啲，据我所知未怀孕。」此外，舒淇完成新戏宣传后，会同老公一齐过农曆新年，之后再飞去各地继续开工。

舒淇不时喺社交网站分享同小朋友互动嘅相。