近期嘅人气电影《星声梦里人》，先喺「金球奖」攞咗七个奖，令赖恩高斯宁同爱玛史东成为金球影帝影后，破尽纪录，之后电影再喺「奥斯卡」夺得14项提名，风头可谓一时无俩。不过，近日就传出呢套戏原本係由「妙丽」爱玛屈臣同《鼓动真我》嘅米尔斯泰勒演出，由于两人当时开出嘅条件太苛刻，所以导演先搵赖恩高斯宁同爱玛史东顶上。电影爆红后，就传出爱玛屈臣同米尔斯泰勒非常后悔。

「妙丽」爱玛屈臣原本係《星声梦里人》嘅女主角。

日前，有报道指出《星声梦里人》嘅男、女主角，只係执二摊演出，原本嘅男、女主角其实係爱玛屈臣同米尔斯泰勒。可惜爱玛屈臣当初要求电影所有嘅彩排，都要喺伦敦进行，令到电影档期难以迁就。至于米尔斯泰勒喺演出报酬方面，就要求由原本嘅400万美元（约澳门币3,200万），加码到600万美元（约澳门币4,800元）。有传电影爆红后，两人都因为错失机会，而怪责自己嘅经理人。

「鼓佬」米尔斯泰勒因片酬问题，所以推咗《星声梦里人》嘅演出。