由成龙、李治廷主演、唐季礼执导嘅新戏《功夫瑜伽》于印度拍摄外景，并有大量印度演员参与演出。电影于农曆大年初一喺内地上映大收旺场。截止日前，票房已累积超过人民币13亿，气势强劲。虽然套戏喺内地大受欢迎，但喺印度就反应麻麻，开画日只收卢比4,000万（约澳门币460万），有报道话票房不济嘅原因，係因为电影贬低印度文化，惹嚟当地人强烈不满。

成龙嘅新戏喺内地大受欢迎，但印度嘅反应就麻麻。

根据美国电影网站《The Hollywood Reporter》报道，电影《功夫瑜伽》呈现嘅印度文化过于肤浅，惹嚟当地传媒疯狂炮轰。印度网站《The Wire》批评电影展现嘅印度文化太流于表面，及将印度人定型，有贬低印度文化之嫌。至于电影剧情就似坐过山车，乱七八糟。而另一印度报章《The Indian Express》就批评影片太过沉闷，仲话戏名有欺骗成分，因为剧情只得功夫冇瑜伽。

《功夫瑜伽》于印度拍摄外景，并有大量印度演员参与演出。