由三大影帝周润发（发哥）、郭富城及梁家辉主演、梁乐民同陆剑青执导嘅《寒战2》叫好叫座，累积票房超过澳门币6,200万，登上香港史上华语片票房第一位。噚日，电影公司宣布将于今年年尾开拍《寒战3》，除咗上集嘅原班人马，于首集中饰演保安局局长嘅刘德华亦会回归。不过，刘德华因早前拍摄广告意外受伤，需要休养大半年，到时都要睇返佢嘅康复情况，先知道可唔可以演出。

周润发、郭富城及梁家辉将继续演出《寒战3》。

为咗激励士气，日前电影公司拉队食盆菜，呢间盆菜店係发哥至爱，佢生日都係请朋友嚟呢度食饭庆祝，所以当日发哥同发嫂、郭富城经理人小美、两名导演及一班幕后人员都有出席。而郭富城同梁家辉因为喺大陆拍紧戏，所以就冇嚟到呢餐饭局。问发哥係咪落实接拍《寒战3》？佢话：「要先睇剧本，相信合作机会好大。大家难得聚旧，倾得好开心。」

周润发和电影公司老闆江志强（右）拉队食盆菜。