刚踏入36岁嘅李施嬅，自去年被富商潘树维狠飞后，感情一直未有着落。日前，有传李施嬅锁定凭TVB剧集《城寨英雄》人气急升嘅袁伟豪为目标，更借好姊妹胡定欣同袁伟豪相熟嘅有利因素，借机埋身。早前农曆新年，胡定欣、袁伟豪及陈山聪等人，相约到胡诺言屋企拜年，李施嬅亦死跟，仲全程捉住袁伟豪吹水，又借对方部相机问东问西，形影不离。

袁伟豪凭《城寨英雄》人气急升，获封为前途无限嘅笋盘。

早前，李施嬅同袁伟豪前往新加坡出席颁奖礼，好姊妹胡定欣亦有份出席，但李施嬅只顾住搵袁伟豪合照，并上载到Instagram晒命，冧爆称对方为「英雄」令自己有安全感。不过，袁伟豪早前刚同女友岑杏贤分手，虽然佢一直想箍煲，奈何神女无心，感情一直处于空白状态。对于有传李施嬅借胡定欣过桥，袁伟豪否认：「唔觉，都冇乜嘢啫！都係一班人开心咁玩咋嘛。」

有传李施嬅（左一）借胡定欣过桥，力追袁伟豪（中）。