去年，人气韩片《下女诱罪》34岁女星金敏喜，被爆介入54岁导演洪尚秀嘅婚姻，虽然事件令佢形象严重插水，但无损评审对佢演技嘅肯定。日前，金敏喜凭新戏《独自一人在夜晚的海边》夺得「第67届柏林电影节」银熊奖，成为首位韩国柏林影后。喺上台领奖时，金敏喜公开向已婚导演洪尚秀示爱，高调大晒两人嘅婚外情，令韩国网民相当不满。

金敏喜凭《独自一人在夜晚的海边》，成为首位韩国柏林影后。

金敏喜凭《独自一人在夜晚的海边》获封柏林影后，而该片情节更似足佢嘅经历。金敏喜喺片中饰演搭上已婚男士嘅女星，而喺现实中，佢同电影导演洪尚秀亦同样发展婚外情。洪尚秀更为咗金敏喜，要求同结婚31年嘅太太离婚，惹嚟韩国网民十分不满。虽然洪尚秀同金敏喜从未回应事件，但日前两人手拖手现身柏林影展红地毯公开放闪，令外界哗然。

洪尚秀同金敏喜手拖手现身柏林影展红地毯。