有「金句王」之称嘅黎明（Leon）一向搞作多多，除咗唱歌同演戏，其实佢都有导演瘾，之前做过好多MV导演，连音乐特辑导演都捞埋。日前，Leon首次执导兼主演嘅新戏《抢红》，落实于今年5月上映。除咗Leon，电影仲云集内地影帝张涵予、王耀庆及名模杜鹃。喺公开嘅电影海报中，三大男主角单靠眼神就交足戏，将各自身怀鬼胎，互相猜疑嘅神态完美呈现出嚟。

啱啱喺香港开完演唱会嘅Leon，火速投入新戏上映前嘅宣传工作。今次电影讲述生活窘迫嘅司机张涵予，去到法国会合一齐喺孤儿院长大嘅好兄弟黎明，两人设法夺取一瓶名为「酒神」嘅红酒，戏中所有人都斗智斗力，互相计算。剧组早前专程远赴法国取景拍摄宣传短片，见到Leon同女主角杜鹃于泳池边把酒密斟，型格十足。

黎明首次执导兼主演嘅新戏，落实于今年5月上映。

黎明同杜鹃于泳池边把酒密斟，气氛暧昧。