噚日，「宇宙最强」甄子丹以大使身份出席公开活动，他透露最近忙于为监製嘅新戏《追龙》做后期及补戏。问到主角之一嘅刘德华要唔要补戏？甄子丹话：「暂时畀佢休息下先，我哋唔想骚扰佢。」讲到有传佢将担正由大热游戏改编而成嘅荷里活新戏《Sleeping Dogs》，甄子丹直认其事：「係呀！但而家係好初步，佢哋要慢慢研究嗰件事出嚟，程序同香港唔同，香港就比较弹性，我又唔急嘅。」

甄子丹最近忙于为监製嘅新戏做后期及补戏。

问甄子丹有冇玩过呢个游戏？佢话：「几年前，已经有人叫我睇下呢个游戏，无论主角造型、动作设计同《导火线》都好相似，于是我上网睇番留言，原来创作游戏嘅人係我Fans，我觉得几有趣。而家有公司买咗，搵我主演，完全係度身订造，呢部戏一定要拍。」问佢会唔会视新戏为另一代表作？甄子丹：「其实每部戏我都当係代表作，冇热情去拍就会变咗交行货。

甄子丹有机会担正演出荷里活新戏。