有「天生歌姬」之称嘅A-Lin，日前喺新加坡开唱，举办「声吶回声限定场」演唱会。喺彩排时，A-Lin灵机一触，用facebook同微博做直播，透过手机镜头，同粉丝分享开唱前嘅心情。随后，A-Lin 搭升降机开场演唱〈All In〉。由于A-Lin演出太精彩，令到好多观看直播嘅粉丝以为係正式演出，引起了一场小误会。

彩排时，A-Lin嘅直播影片吸引超过130万名粉丝同时收看，有网民大讚佢演出完美零瑕疵，令唔少粉丝误会係正式演出，担心自己搞错咗时间。事实上，A-Lin曾经讲过想去世界各地唱歌畀粉丝听，所以经常用直播同粉丝互动。至于今次新加坡演唱会，已经係佢第二次去当地开唱，现场坐满5,000人，令A-Lin感动话：「我都很珍惜每次在台上和大家一起唱歌的快乐！」

第二次去新加坡开唱嘅A-Lin话，好珍惜喺台上唱歌嘅机会。

A-Lin直播彩排，令粉丝以为係正式演出。