洪永城同唐诗咏拍拖两年，感情稳定。早前，堪舆学家麦玲玲指两人今年会拉埋天窗，唔结嘅话就要等多几年，更有传好友C君帮唐诗咏择日结婚。不过，日前唐诗咏出席活动时否认话：「冇谂结婚，睇缘分，结婚係一时嘅冲动，好难估计，可能会闪婚。不过，真係要拣啱先决定结婚，唔係为咗怕冇而去决定结婚，单身总好过拣错老公，老公係一世嘅。」

洪永城同唐诗咏于社交网上发文，齐齐否认分手传闻。

唐诗咏嘅报道出街后，网上即时盛传「唐诗咏拒嫁洪永城」、「两人感情亮红灯」等传闻。对此，身为男友嘅洪永城就唔抵得颈， 佢喺Facebook发文反击：「睇嚟要Post亲密相先代表我哋好好， 要Post同女朋友可爱对话先代表我哋无问题，如果唔係本身冇事都畀新闻讲到好似有事。」女友唐诗咏仲加把口，佢话：「可能要拍片先得。」

唐诗咏话未计划嫁洪永城，导致网上盛传两人感情亮红灯。