噚日，黄宗泽（Bosco）出席TVB 台庆剧《溏心风暴3》记者会，佢自爆喺剧中足足有24个女朋友咁多，可谓艳福不浅。Bosco话见到呢个阵容自己都觉得好震撼，佢话：「唔知以为我有份投资，真係拍剧咁耐都未试过， 今次可能係我最后一次喺TVB 拍剧，益吓我啩。」问Bosco惊唔惊传绯闻？佢话：「係就传晒咁多个喇！创电视史上最多剧中女友同绯闻女友嘅纪录。」

同TVB约满后，Bosco转投邵氏兄弟旗下。

Bosco嘅角色之所以有咁多女朋友，係因为佢喺剧中会到内地掘金，有钱又靓仔。问佢有咁多女友，会唔会好多床戏？Bosco话：「咁呢个一定会有，而家啲观众有时都要啲冲击先得。不过咁多女仔围住，我都有啲惊。」同TVB约满后，Bosco将转投邵氏兄弟旗下，仲有埋自己嘅工作室。

问Bosco以后会唔会返TVB拍剧？佢话：「我好锺意呢度嘅工作环境，以后有机会一定再合作，睇缘分。」

黄宗泽喺剧中足足有24个女朋友，可谓艳福不浅。