现年22岁嘅港女Seasun，喺TVB节目《有楼万事足》中语出惊人，以一句「有楼有高潮」掀起全城热话。节目播出后，Seasun火速遭起底，有传佢19岁参加「国际旅游小姐」选举时，曾同赞助商之一嘅赵世曾同居。噚日，有网民喺Facebook曝光一辑Seasun嘅全裸性感写真，相中佢摆出多个性感Pose，尺度大胆，但就被网民耻笑超老土。

Seasun喺TVB节目中，以一句「有楼有高潮」掀起全城热话。

对于全裸性感写真流出一事，Seasun接受访问时话：「唔回应喇，唔想愈描愈黑。」问佢有冇印象拍过呢辑相？有冇金钱交易？Seasun话：「重点唔喺呢到，我觉得係有人借我上位。」Seasun话会私下搵曝光写真嘅网民解决件事，仲向对方挑机话：「同佢讲，虽然我好斯文，但一睇就知唔係善男信女，佢再唔删咗啲相，有乜后果我都控制唔到。」

有网民曝光一辑Seasun嘅全裸性感写真。